Um velferðarvaktina

Skipunarbréf Velferðarvaktarinnar

17. febrúar 2009

Félags- og tryggingamálaráðherra hefur skipað stýrihóp um velferðarvakt sem ætlað er að fylgjast með félagslegum jafnt sem fjárhagslegum afleiðingum bankahrunsins fyrir fjölskyldur og einstaklinga í landinu með markvissum hætti og gera tillögur um aðgerðir í þágu heimilanna. Hlutverk stýrihópsins er að stýra velferðarvaktinni og samhæfa upplýsingaöflun og tillögugerð. Áætlað er að ráðherra verði afhent áfangaskýrsla stýrihópsins um miðjan marsmánuð næstkomandi.

• Skipan stýrihóps
  

Lögð er áhersla á að stýrihópurinn leiti í starfi sínu eftir samráði við aðrar stofnanir og frjáls félagasamtök sem láta sig málefni fjölskyldna og einstaklinga varða, þar á meðal að stýrihópurinn standi fyrir reglulegum samráðsfundum með þessum aðilum.