Fréttir
Málþing um löggjöf gegn mismunun á Íslandi
Tilgangur málþingsins var að styðja við vinnu hins opinbera við þróun skilvirkrar og yfirgripsmikillar lagasetningar gegn mismunun, sem leggur bann við mismunun á grundvelli; fötlunar, kynþáttar og etnísks uppruna, aldurs, trúar og kynhneigðar, á öllum sviðum lífs einstaklinga.
Á málstofunni var núverandi ástand rætt, þá sérstaklega í tengslum við annars vegar tilskipun Evrópusambandsins um jafna meðhöndlun án tillits til kynþáttar eða uppruna (2000/43/ESB) og hins vegar tilskipun Evrópusambandsins um jafnræði í atvinnulífi og starfi (2000/78/ESB), með áherslu á fjölþætta mismunun. Markmiðið með ráðstefnunni var að koma af stað umræðu á meðal þeirra aðila sem vinna gegn mismunun og leggja þannig lóð á vogarskálarnar í þróun nýrra laga til að berjast gegn mismunun, meðal annars í tengslum við inleiðingu framangreindra tilskipanna. Málþingið var fjölsótt og vel heppnað í alla staði.
