Magnús Stefánsson

Magnús Stefánsson

Félagsmálaráðherra 15. júní 2006–24. maí 2007

Fæddur í Reykjavík 1. október 1960.
Foreldrar Magnúsar eru Stefán Jóhann Sigurðsson, f. 17. september 1937, og k. h. Guðrún Alexandersdóttir, f. 14. ágúst 1935.
Maki Magnúsar er Sigrún Drífa Óttarsdóttir, f. 9. júní 1965, bankastarfsmaður. Börn þeirra eru: Guðrún fædd 1987 og Guðmundur fæddur 1991.

Samvinnuskólapróf 1980. Stúdentspróf Samvinnuskóla 1987. Rekstrarfræðapróf Samvinnuháskólanum 1990.

Starfsmaður búvörudeildar SÍS 1980–1981. Kennari við Grunnskóla Ólafsvíkur 1981–1982. Bæjarritari í Ólafsvík 1982–1985. Sjómennska 1987–1988. Sveitarstjóri í Grundarfirði 1990–1995. Framkvæmdastjóri Heilbrigðisstofnunarinnar Selfossi 1999–2001.
Í héraðsnefnd Snæfellinga 1990–1995, formaður 1991–1995. Í stjórn Hraðfrystihúss Grundarfjarðar hf. frá 1992–1995 og í stjórn Fiskmarkaðar Breiðafjarðar hf. 1992–1996. Í atvinnumálanefnd Sambands sveitarfélaga á Vesturlandi 1994–1995. Í stjórn Pósts og síma hf. 1996–1998, í stjórn Landssíma Íslands hf. 1998–2002. Í stjórn Rariks 1997–1999. Sat sex þing Alþjóðaþingmannasambandsins 1995–1999.

Alþingismaður Vesturlandskjördæmis 1995–1999 og 2001–2003, alþingismaður Norðvesturkjördæmis síðan 2003 fyrir Framsóknarflokkinn.
Varaþingmaður Vesturlandskjördæmis október 2000 og janúar–febrúar 2001.
Sat í samgöngunefnd 1995–1999 og 2001–2003 og 2004–2006, landbúnaðarnefnd 1995–1999 og 2003–2006, félagsmálanefnd 1995–1999 og 2001–2003, utanríkismálanefnd 2001–2004 og 2006 (varaformaður 2001–2003 og 2006), heilbrigðis- og trygginganefnd 2001, umhverfisnefnd 2001–2003 (formaður) og 2004–2005, fjárlaganefnd 2003–2006 (formaður) og kjörbréfanefnd 2003–2006.
Íslandsdeild Alþjóðaþingmannasambandsins 1995–1999, Íslandsdeild ÖSE-þingsins 2001–2003 (formaður), Íslandsdeild þingmannaráðstefnunnar um Norðurskautsmál 2002–2006, Íslandsdeild NATO-þingsins 2003–2006.
Félagsmálaráðherra 15. júní 2006–24. maí 2007.