Félagsmálaráðherra hefur samþykkt tillögur ráðgjafarnefndar Jöfnunarsjóðs sveitarfélaga, annars vegar um áætlun um úthlutun framlaga til sveitarfélaga vegna lækkaðra fasteignaskattstekna á árinu 2008 og hins vegar um áætlun um úthlutun framlaga til sveitarfélaga vegna nýbúafræðslu í grunnskólum á árinu 2008.

Magnús Stefánsson félagsmálaráðherra hefur skipað verkefnisstjórn sem á að fjalla um breytingar á verkaskiptingu ríkis og sveitarfélaga á sviði velferðarmála. Jafnframt skipaði félagsmálaráðherra í nefnd sem fjallar um breytingar á verkaskiptingu ríkis og sveitarfélaga á sviði málefna fatlaðra.

Tekju- og eignamörk vegna félagslegra leiguíbúða hafa verið uppreiknuð miðað við árlega hækkun neysluverðsvísitölu 1. janúar.

Hreppapólitík, landsbyggðarpólitík, höfuðborgarpólitík. Breytingin frá einsleitu til alþjóðlegs samfélags. Hinir nýju Íslendingar. Landfræðilegt litróf fasteignamarkaðarsins. Allt eru þetta áleitin málefni sem tekin verða fyrir á ráðstefnunni „Borgin gegn landinu – keppendur eða samherjar?“ á Nordica Hotel föstudaginn 17. nóvember 2006 kl. 13.15–15.15.

Félagsmálaráðherra og fjármálaráðherra undirrituðu í gær, fyrir hönd ríkisstjórnar Íslands, nýjan samstarfssáttmála ríkis og sveitarfélaga.

Lesa meira

Þann 9. desember sl. voru afgreidd sem lög frá Alþingi þrjú lagafrumvörp sem fela í sér breytingar á tekjustofnum sveitarfélaga. Öll voru frumvörpin lögð fram í samræmi við tillögur tekjustofnanefndar sem félagsmálaráðherra skipaði árið 2003 og skilaði tillögum 17. mars 2005.

Í samræmi við ákvæði VI. kafla sveitarstjórnarlaga, nr. 45/1998, og reglugerðar um eftirlitsnefnd með fjármálum sveitarfélaga nr. 374/2000, hefur eftirlitsnefndin yfirfarið ársreikninga sveitarfélaga fyrir árið 2004 með hliðsjón af fjárhagsáætlun ársins og fjárhagsáætlun fyrir árið 2005.

Einfaldur meirihluti greiddra atkvæða í hverju sveitarfélagi sker úr um hvort það sameinast.

Félagsmálaráðherra hefur staðfest nýjar reglur reikningsskila- og upplýsinganefndar um meðhöndlun leigusamninga í bókhaldi og reikningsskilum sveitarfélaga.

Sveitarstjórnarskrifstofa félagsmálaráðuneytisins hefur lagt mat á fjárhagsleg áhrif tillagna tekjustofnanefndar og annarra breytinga á fjárhagslegum samskiptum ríkis og sveitarfélaga sem vitnað er til í skýringum með tillögum nefndarinnar.

Þegar horft er til tillagna tekjustofnanefndar og allra breytinga á fjárhagslegum samskiptum ríkis og sveitarfélaga sem raktar eru í fylgiskjali 1 er ljóst að áhrif tillagnanna eru mjög mikil. Varanleg áhrif, frá og með árinu 2009, eru rúmlega 1,5 milljarða króna árleg tekjuaukning hjá sveitarfélögum. Tímabundin áhrif eru hins vegar um 9,5 milljarðar króna á tímabilinu 2005-2008 (2009).

Vinna við átak um eflingu sveitarstjórnarstigsins, sem staðið hefur frá því á haustmánuðum 2003, er nú komin vel á veg. Um er að ræða samvinnuverkefni ríkis og sveitarfélaga sem hófst að frumkvæði Sambands íslenskra sveitarfélaga.

Sameiningarnefnd hvetur alla sveitarstjórnarmenn til að kynna sér sérstaklega þau ákvæði sveitarstjórnarlaganna sem varða átak til eflingar sveitarstjórnarstigsins.

Á fundi ráðgjafarnefndar Jöfnunarsjóðs sveitarfélaga 10. desember sl. samþykkti nefndin eftirfarandi áætlanir framlaga fyrir árið 2005.

Vísað er til fyrstu tillagna nefndar um sameiningu sveitarfélaga frá 30. september 2004 þar sem gerðar eru tillögur um fækkun og eflingu sveitarfélaga um allt land. Þar kemur fram að umsagnarfrestur sveitarstjórna og íbúa um tillögurnar sé til 1. desember 2004. Í bréfi sem fylgir tillögunum er óskað eftir því að allar sveitarstjórnir taki tillögurnar til athugunar og umræðu og að ályktanir þeirra verði sendar nefndinni ásamt rökstuddri greinargerð.

Lesa meira

Félagsmálaráðherra hefur gefið út reglugerð nr. 798/2004 um hækkun hámarkslána Íbúðalánasjóðs. Samkvæmt reglugerðinni hækka hámarkslán vegna kaupa á notuðum íbúðum úr 9,2 milljónum króna og vegna nýbygginga úr 9,7 milljónum króna í 11,5 milljónir króna.

Tvennar sameiningarkosningar munu fara fram laugardaginn 20. nóvember nk. og er utankjörfundaratkvæðagreiðsla vegna þeirra þegar hafin.

Félagsmálaráðherra staðfesti nýlega breytingar á tveimur reglugerðum er varða Jöfnunarsjóð sveitarfélaga.

Félagsmálaráðuneytið staðfesti þann 20. júlí sl. sameiningu Hríseyjarhrepps og Akureyrarkaupstaðar.

Alþingi samþykkti í sl. viku frumvarp félagsmálanefndar Alþingis um breytingu á lögum um tekjustofna sveitarfélaga. Lögin fela í sér að gildistími bráðabirgðaákvæðis IV við lögin er framlengdur um eitt ár.

Vantraust á varaoddvita, skipti á fulltrúum í nefndum, fundarstjórn.

Beiting sveitarfélags á heimild 4. mgr. 5. gr. tekjustofnalaga, tekjur yfir viðmiðunarfjárhæð.

Atkvæðagreiðsla um sameiningu fjögurra sveitarfélaga á Héraði fer fram 26. júní nk.

Tillögum má skipta í tvennt, annars vegar er um að ræða flutning verkefna sem verkefnisstjórnin leggur til að unnið verði markvisst að á næstu misserum, og hins vegar verkefni sem verkefnisstjórnin telur mikilvægt að skoðað verði hvort mögulegt og æskilegt sé að flytja frá ríki til sveitarfélaga í nánustu framtíð.

Heimildir sveitarfélaga til að segja sig úr héraðsnefnd; niðurlagning stöðu forstöðumanns, valdbærni, skipulagsbreytingar og úthlutun byggingarlóða, tilkynning ákvörðunar sem háð er staðfestingu nefndar

Lögmæti skipunar starfshóps til að vinna að deiliskipulagi, fundargerðir.

Félagsmálaráðherra hefur lagt fram á Alþingi frumvarp til nýrra heildarlaga um vatnsveitur sveitarfélaga, sem er ætlað að koma í stað gildandi laga um sama efni, nr. 81/1991, með síðari breytingum.

Heimildir sveitarfélaga til að ábyrgjast lán til einkahlutafélags í þeirra eigu og heimildir sveitarfélaga til að veita afslátt af fasteignaskatti o.fl.