Mælti fyrir frumvarpi sem felur í sér aukið samstarf og eftirlit á vinnumarkaði
.jpg)
Þá er í frumvarpinu gert ráð fyrir að það hlutverk sem Vinnumálastofnun hefur haft samkvæmt lögum, hvað varðar eftirlit á vinnumarkaði, verði flutt til Vinnueftirlits ríkisins.
Frumvarpið var samið í samstarfshópi sem skipaður var fulltrúum frá félags- og vinnumarkaðsráðuneyti, Alþýðusambandi Íslands, Bandalagi háskólamanna, BSRB, Sambandi íslenskra sveitarfélaga, Samtökum atvinnulífsins, Vinnueftirliti ríkisins og Vinnumálastofnun.
Guðmundur Ingi benti í framsöguræðu sinni á að vinnumarkaðurinn á Íslandi væri vel skipulagður með öflugum samtökum launafólks og atvinnurekanda.
„En betur má ef duga skal líkt og nýleg dæmi sem upp hafa komið hér á landi hafa sýnt okkur fram á en í ljósi þeirra atburða, sem í raun enn standa yfir, legg ég ríka áherslu á að frumvarpið verði samþykkt hér á Alþingi sem allra fyrst þannig að við getum styrkt stoðirnar þegar kemur að aðgerðum í því skyni að sporna gegn brotastarfsemi á vinnumarkaði.“